Një 107-vjeçare nga Holanda është bërë personi më i vjetër që ka arritur të mposhtë koronavirusin.
Cornelia Rias nga Holanda ishte konfirmuar me koronavirus më 17 mars dhe pas më shumë se dy javësh trajtim, ajo ia ka dalë mbanë të shërohet.
Ajo jetonte në një azil, ku u infektuan gjithsej 41 persona. Sipas mediave vendase, 20 prej të moshuarve humbën jetën.
Rias i ka marrë kështu rekordin 104-vjeçarit, Bill Lapschies, i cili arriti t’i mbijetojë gripit spanjoll, Luftës së Dytë Botërore dhe tashmë edhe COVID-19.
Edhe në San Marino, Itali, Kore e Jugut apo Kinë janë shënuar raste të ngjashme, ku persona mbi moshën 100 vjeç kanë arritur ta mposhtin koronavirusin.
