Prej një muaji qytetarët janë sensibilizuar për ndalimin e qeseve plastike. Qeset që shiteshin deri para 1 qershorit janë zëvendësuar me alternativa të reja, ku synimi është mbrojtja e shëndetit dhe mjedisit.
Nga 1 korriku fillon zbatimi i gjobave për shitësit që vijojnë përdorimin e qeseve plastike një përdorimshme në Shqipëri.
Personat që prodhojnë, importojnë ose hedhin në treg qese plastike njëpërdorimshe do të gjobiten me 500 mijë lekë dhe në rast përsëritjeje vlera do të jetë 1.500.000 lekë dhe me sekuestrim të gjithë sasisë së qeseve plastike të ndaluara. Në rast se e përsërisin, bizneseve u hiqet licensa.
