Inceneratorët janë kthyer në debatin kryesor mes partive politike në prag të zgjedhjeve të 25 prillit.
Partia Demokratike ka dërguar kallëzim penal në SPAK, për inceneratorët e Tiranës, Fierit dhe Elbasanit.
Për ish-presidentn, Bujar Nishani inceneratorët janë një grabitje më e dhunshme sesa ajo e Rinasit, e datës 9 prill 2019, ku u vodhën rreth 6 milionë euro.
‘’Po marrim një rast që duhet të ulërijmë të gjithë, rasti i fundit i skandalit të inceneratorëve. Nuk po i hyjmë problemit ambienti, mafia, e të tjera. Ka një tjetër fakt ulëritës, është një grabitje e dhunshme, më e dhunshme se grabitja që u krye në Rinas. Nuk po hyj të analizojë, po marr një fakt; Në një ditë krijohet firma, aplikon, pa konkurrentë, fiton, nënshkruan kontratën, konsumohen ankimimet, çohen paratë, brenda 24 orëve.’‘, tha Nishani në ‘Arena’.
