Kreu i Partisë së Lirisë, Ilir Meta, së bashku me deputetin Petrit Vasili në një konferencë për mediat denoncuan inaugurimin e ujësjellësit të Memaliajt, për të cilin ende nuk ishte bërë tender. Vasili tha se tenderi kishte datën 9 prill për shpalljen e fituesit, ndërsa kryeministri Rama dhe ministri Bledi Çuçi shkuan në nisjen e punimeve në 7 prill.
“Si vidhen si pronë personale paratë e milionët e eurove të qytetarëve të thjeshtë. Bëhet fjalë për ujësjellësin e Memaliaj, invesim 4 miliardë, i cili është bërë publik fillimi i punimeve më 7 prill, pak ditë para fushatës elektorale të 25 prillit 2021.
Çuçi deklarojnë se ky investim po fillonte dhe ka shkuar ta inspektojnë. E patë vetë tabelën e madhe. Në fakt Rama siç dihet grabitqar dhe hajdut, shkon të inauguroj një investim që s’ka mbaruar akoma. Ku e vërtetoni ju? Me dokumentin e agjencisë të prokurorimit publik. Fituesi shpallej me datë 9, ata shkuan në datë 7.
Kontrata për të filluar punimet është lidhur më 9 qershor, 2 muaj e gjysmë më vonë. Tenderat nuk ekzistojnë. Me datë 7 kanë filluar inaugurimin. Ministri i Brendshëm deklarojnë se kanë lidhur kontrata, ndërkohë që është lidhur 2 muaj e gjysmë më para. Kjo ishte nga rastet më flagrantet”, tha Vasili.
E ndërsa Meta paralajmëroi se do të nxjerrin të tjera raste si këto. “Shteti banditësh dhe jo të një shteti të së drejtës, të demokracisë, të funksionimit të ligjit të përgjithshëm të meritokracisë, konkurrencës së lirë dhe të ndershme. Është e qartë që nuk kemi të bëjmë më një rast të veçantë, do nxjerrim dhe të tjera. Pra, në shtetin e këtyre banditëve, gjithçka bëhet fakt i kryer, pazaret bëhen më përpara.
Tenderi është formal, si çdo gjë tjetër, por edhe kontrata (se pa të nuk nis projekti) lidhet pas 3 muajsh.
Ua kam thënë që përgjigjet e Ramës do jenë para ligjit, me firmat, provat dhe ligjet e tij, s’do falsifikojmë asnjë.
Rasti më i shkëlqyer, kur partia dhe shteti shkrihen në një, partia vendos që do të nisin në 7 prill punimet. Fillon puna, del në TV ndërkohë formalisht letrat bëhen për tenderin më vonë dhe për kontratën bëhen pas 3-4 muaj në qershor. Këtu është vrarë shteti i së drejtës, është vrarë merita, konkurrenca etj”, tha Meta.
