Një ditë më parë, zëvendëskryeministrja Belinda Balluku njoftoi një akt të ri të miratuar në mbledhjen e Këshillit të Ministrave që ka të bëjë me konfiskimin e objekteve të ndërtuara pa leje.
Ndërtesat pa leje do të konfiskohen për përdorim publik dhe do t’i jepen si kompensim qytetarëve që preken nga projekte publike. Gjithashtu do të përdorën si fonde për të shpronësuar qytetarët që gjithashtu preken nga projektet publike.
Nga sot ka gjetur zbatim vendimi i qeverisë, ku është konfiskuar një pallat me 9 kate në Farkë.
Pallati ishte pa leje dhe do të kalojë në llogari të shtetit. “Ndodhemi në Farkë, ky është komunikimi i parë publik që ne po bëjmë sa i përket vendimit që u mor me VKM, është një VKM që ka të bëjë më ndërtimet pa leje që do të konfiskohen dhe përdorim në të mirë publikut. Ky është një shembull pse kemi zgjedhur të vijmë në Farkë dhe të zgjedhim këtë ndërtese. Simbolikë e shkeljes së ligjit 7 kate mbi tokë, 9 kate ndërtim pa asnjë letër. Sesi kjo ka ndodh, është një mister për ne”, tha Balluku.
