Forca të shumta policore janë mbledhur në tregun elektrik, teksa sot parashikohet të nisë shembja e tij.
Mësohet se rreth 150 tregtarë janë mbledhur në treg, ndërsa kërkojnë që t’u jepet një zgjidhje për mallrat e tyre. Ata kanë dorëzuar një peticion kundër prishjes së tregut në Bashki, por që sipas tyre nuk është marrë parasysh.
Ata kanë kërkuar të takohen me kryebashkiakun Veliaj, por janë pritur nga një drejtoreshë sektori.
“Nuk kemi ku të çojmë mallin. Me këtë ushqejmë fëmijët. Do i hedhim në Lanë”, tha një prej tregtarëve për News24.
