Qeveria shqiptare ka miratuar një fond 1.2 mld lekë për rimbursimin e barnave anti-Covid, për të gjithë qytetarët shqiptarë. Nga 1 janari 2021, qeveria do të japë 1.2 mld lekë për rimbursimin e ilaçeve COVID. Kjo është vendosur në mbledhjen e Komisionit Parlamentar të Ekonomisë, gjatë diskutimit të buxhetit të ri të shtetit 2020. Fondi u miratua nga Komisioni, dhe pritet që të kalojë edhe në seancë plenare, duke hyrë në fuqi bashkë me buxhetin 2021.
“Duke parë vijimin e pandemisë dhe përshpejtimin e saj, ne morëm në konsideratë një çështje jetike, që është futja e paketës së ilaçeve për kurimin nga COVID-19, në paketën e ilaçeve me rimbursim, nga përllogaritjet e bëra është e nevojshme shtimi i buxhetit me 1.2 miliardë lekë, për të rimbursuar ilaçet për çdo person që preket dhe kurohet me ilaçet.
Po tek Ministria e Shëndetësisë, një çështje tjetër që ka të bëjë me njerëzit në nevojë, ka të bëjë me shtimin me 1 miliardë lekë pagesën e papunësisë”, tha deputeti i PS-së, Anastas Angjeli në Komisionin e Ekonomisë.
