Konfirmohet zyrtarisht se ish- kryeprokurori Adritik Llalla po hetohet nga Prokuroria e Durrësit pas dyshimeve për pastrim parash.
Hetimi ka nisur në Durrës, ashtu siç e parashikon ligji pasi është qyteti më i afërt ku punoi ish-kryeprokurori. Hetimi i ish-kryeprokurorit vjen pas mbledhjes se informacioneve nga disa institucione zyrtare.
Për të nisur hetimet për Llallën janë marrë informacione nga ILDKPI, dhe zyrat noteriale. Po ashtu mësohet se do të sekuestrohen kontratat e shitblerjeve të pasurive në kohën që Adriatik Llalla ishte Prokuror i Përgjithshëm.
Ndërkohë që vetëm një ditë më parë Deutsche Welle shkruante për nisjen e procesit te Vettingut dhe përmendte pikërisht emrin e ish kryeprokurorit.
Rasti më domethënës është ai i ish- Prokurorit të Përgjithshëm Adriatik Llalla, ndaj të cilit Prokuroria ka hapur çështje penale për pastrim parash në përmasa të mëdha, edhe pse Llalla deklaroi para se të fillonte vettingu largimin vullnetar nga drejtësia. Atë që nuk e bëri dot organi i akuzës i drejtuar nga Llalla, që erdhi në krye të Prokurorisë në vitin 2012 dhe qëndroi deri në mbyllje të mandatit 5-vjeҫar, më 3 dhjetor 2017, e nisi Departamenti Amerikan i Shtetit. Muajin kaluar ai mori vendimin që ish-kryeprokurori dhe familja e tij të futen në listën e zezë dhe të mos u lejohet hyrja në SHBA “për shkak të përfshirjes së tij në raste të mëdha korrupsioni”, shkruante dje Deutsche Welle.
