Ministrja e Infrastrukturës dhe Energjisë, Belinda Balluku, ka inspektuar sot nga afër ecurinë e punimeve në bypass-in e Vlorës, ku ka nisur edhe asfaltimi i kilometrave të parë.
Balluku shprehet se bypass-i i Vlorës është një vepër shumë e rëndësishme, pasi janë 29 kilometra të vyera, të cilat do t’i bashkëngjiten pjesës tjetër që nis nga bypasss-i i Fierit, nga Levani deri në hyrje të Vlorës dhe duke vazhduar më pas me pjesën koncensionare nga Porti i Jahteve, deri në Urën e Shën Elizës dhe shumë shpejt me tunelin e Llogarasë.
Deri në fund të muajit korrik parashikohet të ketë përfunduar asfaltimi i afro 11.5 kilometrave. Ndërsa synimi është që punimet të përfundojnë në shkurt të 2021.
Postimi i plotë:
Ministrja, Belinda Balluku dhe drejtori i ARRSH, Ergys Verdho inspektojë ecurinë e punimeve në Bypass-in eVlorës. Në këtë segment ka nisur asfaltimi i kilometrave të parë dhe deri në fund të muajit korrik parashikohet të ketë përfunduar shtrimi i asfaltit në 11.5 km të tij. Gjithashtu po vijon puna edhe në pjesët e tjera të këtij segmenti duke përfshirë edhe ndërtimin e veprave të artit.
