Genci Nimanbegu, deputeti i koalicionit “Shqiptarët të vendosur”, deklaroi se Partia Demokratike e Socialistëve pa asnjë arsyetim real po vonon përmbushjen e detyrimeve nga marrëveshja e koalicionit, me fokus në kthimin e Valdanosit, ndarjen e funksioneve në pushtet dhe përdorimin e lirë të simboleve kombëtare.
Mes të tjerash ai tha se Forca e Re Demokratike ofron mbështetjë të pakufizuar as sot dhe as në zgjedhjet presidenciale. Nimanbegu tha se edhe pse partitë shqiptare janë të vetëdijshme se vetëm nuk mund të arrijnë shumë kanë kërkesat e tyre legjitime dhe racionale. Sa për krizën politike në vend ai tha se qëndrimet e pozitës dhe opozitës janë mjaft larg njëra tjetrës, sidomos sa i përket kërkesës së kësaj të fundit për përsëritjen e zgjedhjeve parlamentare.
