Tek diktatorët dhe tiranët, paranoja ka qenë e zakonshme. Por rasti i udhëheqësit komunist të Rumanisë, Nikolae Çaushesku, ka qenë ekstrem. Sapo u ngjit në pushtet në fillim të viteve 1960, Çashesku urdhëroi policinë e tij sekrete, SECURITATE, të niste përgjimin e çdo njeriu në vend. Ai porositi mbi 10 milionë përgjues, duke arritur në vitin 1984 të përgjonte çdo familje rumune. Çaushesku nuk kurseu nga përgjimet as vajzën e tij, Zoja. Me urdhër të tij, ajo nisi të survejohej në çdo moment. Apartamenti i saj u mbush me mikrofonë në të gjitha dhomat, dhe deri në banjo.
Drejtues të shërbimit sekret, kujtojnë se në një rast Çaushesku dhe e shoqja Elena, po ndiqnin përgjimin e të bijës në momente intime me të dashurin e saj gazetar. Pas atij momenti gazetari u dërgua zyrtarisht me mision në Afrikë, ku dhe u eleminua pa zhurmë.
Si për ironi, i gjithë ky aparat sigurie, nuk i garantoi dot jetën diktatorit. Shërbimi sekret rumun kishte interceptuar biseda mbi planet për eleminimin e Çausheskut në dhjetor 1989, por shefi i shërbimit nuk ia kishte treguar Çausheskut. Diktatori dhe e shoqja u kapën në momentet kur po arratiseshin nga Bukureshti, dhe pas një gjykimi formal u pushkatuan.
