Rreth 30 persona kanë humbur jetën në Nigeri pasi janë sulmuar nga militantët e grupit Boko Haram. Sipas CNN, militantët e grupit sulmuan dhe u vunë zjarrin disa makina ku po flinin udhëtarët. Ndërmjet tyre mësohet të ketë qenë edhe një grua shtatzënë.
Ngjarja ka ndodhur në rajonin Borno të Nigerisë, në fshatin Auno, 20 kilometra larg kryeqytetit rajonal, Maiduguri. Ekstremistët dogjën 18 makina dhe disa kamionë të ngarkuar me ushqime.
Sipas një dëshmitari, ndërmjet viktimave u gjet trupi i një gruaje shtatzënë dhe të një foshnje, raporton CNN. “Ata djegin gjithçka. Zjarri ende ishte aktiv deri në mëngjes. Ende jemi duke kërkuar trupa në këtë vend”, tha ai.
