Në Nigeri kanë humbur jetën 10 perona nga një sulm terrorist. Sulmi goditi një xhami në qytetin e kufirit verilindor të Nigerisë. I dyshuari hyri në një xhami në qytetin tregtar Gamboru-Ngala, në kufirin Nigeri-Kamerun, gjatë faljes së namazit.
“Një bombardues hyri në xhami në qytet dhe shpërtheu eksplozivin e tij. Nëntë persona dhe bombarduesi mbetën të vrarë”, tha Mustapha Grema, një banor i qytetit.
Autoriteti ushtarak i kësaj zone ende nuk e ka konfirmuar incidentin. Nga ana tjetër, deri më tani, asnjë grup nuk ka marrë përgjegjësinë për sulmin, por banorët thonë se sulmi duket i ngjashëm me bombardimet e mëparshme të organizatës terroriste Boko Haram, shkruan aa.
Gamboru-Ngala, qytet që ndodhet rreth 185 kilometra nga Maiduguri, kryeqytet i shtetit verilindor Borno, në tetor të vitit 2014 u pushtua nga Boko Haram, mirëpo u çlirua në prill të vitit 2015 nga trupat nigeriane të mbështetura nga forcat e Çadit.
