Një bazë e ushtrisë në Niger është sulmuar nga një grup ekstremistësh ditën e enjte. Nga përplasja e armatosur kanë mbetur të vdekur 166 persona.
Qeveria në Niger ka njoftuar se nga radhët e saj kanë mbetur të vdekur 89 ushtarë, ndërsa nga rradhët e ekstremistëve 77 persona.
Në respekt të ushtarëve të rënë qeveria ka shpallur 3 ditë zie kombëtare.
Sulmi ndodhi ditën e enjte kur militantë të armatosur rëndë sulmuan bazën ushtarake në Chinagodrar, në perëndimin e vendit, pranë kufirit me Malin, tha zëdhënësi i qeverisë, Abdourahame Zakari.
Kjo nuk është përplasja e parë e ushtrisë me militantë ekstremistë. Tashmë, prej kohës ushtria në Niger dhe në Mali është duke luftuar kundër një kryengritje të ashpër të militantëve xhihadistë.
Kujtojmë që nëntorin e kaluar, 13 ushtarë francezë u vranë gjatë një përplasje të armatosur ndaj xhihadistëve në Mali, ndërsa 50 ushtarë vendas u vranë në një tjetër sulm në verilindje të Malit po në muajin nëntor.
Denonco ne TT