Dy shqiptarë u arratisën nga porti i Pireut ndërsa po transferoheshin për në një burg të Kretës, kjo ngjarje ngriti në këmbë të gjithë policinë e Greqisë deri në arrestimin e tyre.
Në mediat greke janë publikuar pamjet kur Xhuliano Halilaj dhe Alfons Doçi u arrestuan në orët e vona të mbrëmjes së të premtes, në Nea Filadelfia të Athinës.
Video është filmuar nga një banor i zonës, ku duket aksioni i policisë helene në apartamentin ku fshiheshin dy të arratisurit.
Njeri prej tyre ka tentuar të largohet nga dritarja, mirëpo jashtë ndodheshin forca të tjera të policisë.
Atyre iu gjet një pistoletë, që ndërkaq nuk e përdorën dhe as bënë rezistencë gjatë arrestimit.
Një video tjetër tregon ambientet e brendshme të apartamentit. Apartamenti ishte marrë me qera para gjashtë muajsh nga një shtetas shqiptar, por aty nuk banonte kush.
Policia po kërkon personin që kishte firmosur kontratën si qiradhënës.
