Një peshk që jetonte në një pellg në Universitetin Copperbelt (CBU) prej 22 vitesh, ka ngordhur. Presidenti i Zambisë, Edgar Lungu i është bashkuar zisë kombëtare për ngordhjen e tij. Studentët ndezën qirinj dhe marshuan rreth kampusit, në shenjë zie për peshkun.
Për dy dekadat e fundit studentët e CBU kanë besuar se peshku do t’u sillte atyre fat në provime.
Mafishi, që do të thotë “Peshku i Madh” në gjuhën lokale Bemba, mendohej të ishte të paktën 22 vjeç dhe kishte jetuar në pellgun e universitetit për më shumë se 20 vjet, tha udhëheqësi i studentit Laërence Kasonde.
Ngordhja e tij është ende duke u hetuar, shtoi presidenti i Unionit të Studentëve të Universitetit Copperbelt.
“Eshtë ende pa u varrosur, ne jemi duke planifikuar ta balsamosim atë,” i tha Kasonde BBC.
Disa studentë i bënin homazhe peshkut para provimeve, duke besuar se u solli fat, ndërsa të tjerët e panë atë si një lehtësues të stresit, thotë reporteri i BBC Zambia Kennedy Gondëe.
