Një tjetër reagim është përcjellë pas kronikës në emisionin “Top Story” në Top Channel, si pjesë e emërimeve në fushën e diplomacisë përmes shkeljeve ligjore nga ish-Ministri i Jashtëm, Ditmir Bushati.
Ndër emrat e lakuar ishte edhe i Orjana Mullisit, e cila sipas investigimit të Top Channel, u emërua nga sekretare në diplomate në Bruksel, pa i plotësuar më parë kriteret ligjore të këtij pozicioni.
Por nga ajo çfarë tregon Orjana Mullisi, rezulton krejt e kundërta. Ajo shkruan në Facebook se ka mbaruar studimet bachelor në Fakultetin e Drejtësisë, me mesatare mbi 9. Më tej ka fituar një bursë të plotë nga BE për studimet master në Drejtësi. Pjesë të cv ka shumë kualifikime, por në fund ajo nënvizon se ndonëse apelohet për promovimin e të rinjve, në realitet përballemi me përbaltjen e figurës së tyre.
Statusi
Nje sqarim per median Top Channel meqenese me ka cituar emrin.
Orjana Mullisi ka mbaruar studimet bachelor ne Fakultetin e Drejtesise me mesatare mbi 9 e me pas ka fituar nje burse te plote nga Bashkimi Evropian per te ndjekur studimet master ne drejtesi (studime Evropiane dhe Nderkombetare) ne universitetin KU Leuven ne Belgjike i cili renditet ne 50 universitetet me te mire ne bote.
Orjana Mullisi ka rezultuar e para ne provimin e Departamentit te Administrates Publike (per statusin e nepunesit civil) e ka punuar ne drejtorine e BE-se ne MEPJ per gati 2 vjet.
Orjana Mullisi eshte zgjedhur midis 5 nepunesve civile me te mire ne Shqiperi nga programi EU Scheme for Young Professionals, gjenerata e I (program i Komisionit Evropian ne bashkepunim me British Council)
Orjana Mullisi eshte postuar se bashku me koleget e te njejtit brez me te njejten grade sikurse ata pa asnje diferencim ne perputhje me profilin e saj ne Misionin e RSH ne BE (te tjere te rinj te te njejtit brez jane postuar sipas profileve ne ambasada e misione perkatese) pjese kjo e politikes per promovimin e te rinjve ne perputhje me legjislacionin perkates.
Orjana Mullisi ka nje sere trajnimesh te gjitha ne fushen e BE e eshte autore e dy botimeve shkencore madje se fundmi ka fituar nje burse te plote ne Universitetin e Gjeneves per studime te avancuara ne Qeverisjen Evropiane dhe Nderkombetare.
P.S. Vazhdimisht degjojme thirrjen per promovimin e te rinjve ne vendin tone, por ne realitet perballemi me perbaltjen e perdhosjen e figures se tyre. E trishtueshme!
