Avokati Spartak Ngjela ka reaguar sërish ndaj presidentit Ilir Meta, ku ngulmon se do të shkarkohet nga detyra. Në analizën e tij, ai thotë me ironi se kreu i Shtetit nuk do që ta kuptojë se është i pushuar.
Sipas tij, një tezë e mundshme është se Meta e ka marrë me qetësi, pasi mendon se mund të blejë politikën me paratë e pista.
Ngjela shton më tej se reforma do të shkojë deri në fund, ndaj dhe presidenti Meta i ka ditët e numëruara. Për rrjedhojë, shkruan Ngjela, shkarkimi i Metës nga Parlamenti mbetet hapi i parë i madh i likuidimit ligjor ndaj gjithë kësaj klase. Ku me korrupsionin gjigand, ka shkatërruar mirëqënien e shqiptarëve.
Statusi
Askush nuk po ia hap derën në Amerikë gruas së Ilir Metës.
Kurse Meta, ende reziston për të dëmtuar Shqipërinë.
Është i pushuar. Këtë nuk do që ta kuptojë, dhe mendon se mund të blejë politikën e lartë me paratë e tij të pista. Turp. Pamundësi absolute; por kujt t’i thuash!
Mbasi të pushohet nga Parlamenti, Meta nuk ka më forcë juridike.
Ku kuptohet se shkarkimin i Metës është çështje ditësh?
Rama i tha Metës para disa ditësh: unë nuk kam gjë në dorë, këtë çështje e drejton Uashingtoni dhe Brukseli.
Atëherë?
Meta do shkartohet, se ka bërë shkelje shumë të rënda.
Vërtet mendon Meta se, për të mbrojtur veten dhe pronat e tij të paligjshme, mund të shpëtojë duke bërë kryengritje kundër partnershipit të Tiranës me Uashingtonin? Mëndjelehtësi infantile.
Procesi për të shkarkuar Metën ka mbetur në vend, sepse, siç duket, e ka bllokuar Rama. Po tani, nuk ka më gjasë të ndalojë. Këto ditë procedura duhet ta shkarkojë.
Të gjithë të trembur janë, por reforma do të shkojë deri në fund.
Shqiptarët janë të mërzitur, sepse janë tradhëtuar nga krerët e tyre, të cilët i kanë grabitur ligsht në 25 vjet rresht. Viti 1991, që mendohej se do t’u sillte shpëtimin, i zhyti ligsht shqiptarët në një skllavëri të re.
Kjo është e vërteta e kësaj kohe.
Por, shkarkimi i Metës nga Parlamenti, është hapi i parë i madh i likuidimit ligjor të të gjithë kësaj klase dirigjente që, me një korrupsion gjigand, ka shkatërruar mirëqënien e shqiptarëve për të siguruar miliarda dollarë si pará individuale pushtetarësh; mijëra hektarë tokë e truall, dhe qindra mijëra metër katrorë ndërtim mbi pronën e grabitur me falsifikime korruptive.
Shqiptarët duhet të jenë të sigurt, se kundër korrupsionit shqiptar atyre iu është zotuar politika amerikanë. Të gjithë të korruptuarit e lartë do të shpronësohen.
Ilir Meta është i pari.
Ngjela nxjerr prapaskenat e rënda për Metën: Ja çfarë po planifikon
