Një ngjarje e rëndë ka ndodhur në Tiranë ku djali ka vrarë babain me çekiç pas një sherri për motive të dobëta. Ngjarja e rëndë ka ndodhur mbrëmjen e së premtes, ku një 74-vjeçar u masakrua me çekiç në kokë nga djali i tij 28-vjeç, i cili e hodhi më pas trupin e të atit në liqen.
Autor i kësaj vrasjeje makabre është Selman Alija, ku familja e tij jetonte në Shkozë të Tiranës. Policia ka bërë të mundur arrestimin e tij këtë të diel, ndërsa viktima është F. Aliaj.
Ishte ora 20:00 e mbrëmjes të së premtes kur babë e bir janë konfliktuar për motive të dobëta, sipas policisë. Në këtë moment, djali 28-vjeçar ka marrë çekiçin dhe e ka goditur të atin disa herë në kokë, duke i shkaktuar vdekjen e menjëhershme.
Por si të mos mjaftonte kjo, për të fshehur krimin që kishte kryer, Selman Alija e ka futur trupin e pajetë të babait të tij në makinë dhe e ka hedhur në liqenin e Farkës.
Autoritetet e kryeqytetit bënë të mundur gjetjen e viktimës mëngjesin e kësaj të diele. Trupi i tij ndodhet në Institutin e Mjekësisë Ligjore, për veprime të mëtejshme. Policia ka sekuestruar gjithashtu armën me të cilën u krye krimi, ndërsa 28-vjeçari është vënë në pranga. “BalkanWeb” sjell pamjet e para nga vendi i ngjarjes, ku djali 23-vjeçar hodhi trupin e masakruar të babait të tij të moshuar.
Bëhet fjalë për një përrua në skajin lindor të liqenit të Farkës me bimësi të shumtë por me pak ujë, i ngjashëm me një pellg. 23-vjeçari pasi e vrau të atin me çekiç duke e goditur disa herë në kokë, e hipi në një makinë dhe e transportoi mbrëmjen e 22 dhjetorit pikërisht në këtë zonë që shihni në foto. Por pasi u arrestua nga policia, Selman Aliaj iu tha efektivëve të grupit hetimor se babai mund të ishte mbytur në liqen, duke i çuar larg zonës ku e kishte hedhur trupin e pajetë.
DËSHMIA
Policia e mori njoftimin për ngjarje nga djali tjetër i viktimës A. Aliaj. Ai njoftoi policinë duke i thënë se vëllai u grind me babain dhe të dy ikën nga banesa. Policia ka shkuar dhe në oborr ka gjetur shenja gjaku. Është bërë shoqërimi i Selman Aliajt në polici, i cili ka thëne se është grindur me babain por nuk ka dijeni se ku ndodhet ai. “Ndoshta mund të jetë mbytur në liqen ka thënë”, 23-vjeçari. Pas kontrolleve 2 ditore policia ka gjetur trupin e viktimës pranë liqenit të Farkës si dhe mjetin e krimit të fshehur në oborrin e banesës së autorit. TIRANA TODAY
