Një 63-vjeçar shqiptar është gjendur i vdekur, në një anije në Greqi. Shqiptari është anëtar i ekuipazhit të anijes me flamur shqiptar.
Ai është gjetur pa ndjenja në sallën e motorëve të një anije, pronë e nje kompanie shqiptare, e cila ndodhej në portin e Volosit ku po ngarkonte hekur.
Sipas rojes bregdetare, kanë qenë anëtarët e tjerë të ekuipazhit që njoftuan lidhur me gjendjen shëndetësore të të ndjerit.
63-vjeçari shqiptar u transportua me një ambulancë në Qendrën Shëndetësore Almyros, ku u shpall i vdekur.
Dyshohet se viktima ka pësuar atak kardiak, ndërkohë që konfirmimin zyrtar pritet ta japë ekspertiza mjeko ligjore, që do të bëhet në trupin e viktimës prej mjekëve ligjorë të spitalit të Volosit.
