Duket se gazetari investigativ Artan Hoxha e kishte paralajmëruar atentatin që tronditi dje Shkodrën. Përmes një statusi në Facebook, ai sqaronte disa detaje, duke iu referuar edhe ngjarjes së rëndë.
Ndër të tjera ai solli në fokus se vrasësit kishin një shënjestër profesionisti, dhe se ai që ka dhënë urdhërin, po i monitoron tashmë të gjitha lëvizjet që po bëhen. Në kthimin e përgjigjes ndaj një komentuesi, ai nënvizon se prej katër muajsh kishte vënë alarmin për situatën kaotike në të cilën ndodhet Shkodra sot, por askush nuk e dëgjoi, madje e shpërfillën.
Artan Hoxha bën me dije se ka plot katër muaj që e ka ngritur si shqetësim, por është sulmuar personalisht nga bandat kriminale.
Viktima Fatos Ferracaku është i afërm me biznesmenin Arjan Ferracaku, i ekzekutuar në 1 shtator të këtij viti, duke kalëruar në zonën e Dobraçit. Burimet nga grupi hetimor thonë se po hetohet për lidhjen e këtyre 2 ngjarjeve me njëra-tjetrën. Dyshohet se 40-vjeçari i vrarë këtë të martë, kishte dijeni për rrethanat dhe autorët e eliminimit të afërmit të tij. Viktima është babai i katër fëmijëve, dhe njihej si person jo problematik për policinë. Madje ai jetonte në kushte të vështira ekonomike.
https://tiranatoday.com/shkoderfatos-ferracaku-u-nga-10-meter-distance-bashkepunetori-e-priste-ne-motor/
