Ngacmimi seksual në vendin e punës është trajtuar si temë me aktoren Cubi Metkaj, e cila pranoi publikisht se dhe me të ka ndodhur. Në “Abc e Pasdites” teksa ndau përvojën e rikthimit në teatër pas shumë vitesh, Cubi tha publikisht se asaj i kanë propozuar një projekt kundrejt raporteve.
“Të themi jo, do gënjej. Ne e dimë shumë mirë që në botën e showbizz këto ndodhin, qoftë dhe në teatër. Ty të vjen regjisori me një propozim të caktuar, dhe fillon komplimentat shkojnë më tej, e më tej. Unë jam tip që nuk e kam lejuar dhe kam thënë stop deri këtu. Por që ndodh, dhe mua më ka ndodhur”, u shpreh Cubi.
Ajo shtoi se i është përgjigjur duke i thënë se nuk bën pakt me Cubin për këtë gjë, dhe kjo ka ndikuar në prishjen e shumë projekteve.
