Tre femra përfunduan në prangat e policisë së Tiranës, pasi tentuan të vidhnin 9 steka me paketa cigaresh të markave të ndryshme, në një minimarket në qytetin e Fierit.
Të arrestuarat, sipas njoftimit të policisë identifikohen: A.M., 28 vjeçe; A.B., 41 vjeçe dhe Z.S., 55 vjeçe. Të gjitha banuese në Tiranë.
Pas njoftimit nga pronari i minimarketit, në ndjekje të tyre shkoi patrulla e policisë e cila mundësoi kapjen e tyre, teksa tentuan të largoheshin me automjetin e tyre.
Në cilësinë e provës materiale u sekuestruan stekat e paketave dhe automjeti me të cilin tentuan të largoheshin.
