Kryeministri Edi Rama dhe ministrja e Infrastrukturës dhe Energjisë, Belinda Balluku, kanë inspektuar sot Bypassin e Fierit i cili ka përfunduar punimet ditën e sotme.
Ministrja Balluku bëri me dije se këtë javë fillon dhe asfaltimi i Bypassit të Vlorës që e lidh me atë të Fierit. Gjithashtu brenda kësaj jave hapet edhe gara ndërkombëtare për projektin e Tunelit të Llogarasë.
Nga ana tjetër, brenda këtij muaji hapet gara për ndërtimin e aksit 120 km të Milot- Thumanë, Rrogozhinë- Fier.
Postimi i plotë:
Fier – Me mbylljen edhe të anëkalimit tjetër, mbyllet përfundimisht Bypass-i i Fierit dhe nga sot kjo vepër e rëndësishme është në dispozicion të publikut, me të gjitha standardet e garantuara pas rishikimit tërësor të projektit?
Këtë javë nis asfaltimi në Bypass-in e Vlorës dhe hapet gara ndërkombëtare për projektin e Tunelit të Llogarasë.
Brenda qershorit hapet gara për ndërtimin e aksit prej 120 km përgjat gjurmës së “Korridorit Blu”, Milot – Thumanë – Rrogozhinë – Fier, i cili do të lidhet pikërisht me Bypass-in e Fierit dhe do të transformojë qenësisht infrastrukturën rrugore të Shqipërisë Turistike
