Pas prezantimit të drejtorit të Policisë së Shkodrës, ministri i Brendshëm Fatmri Xhafaj është ndalur edhe në qytetin e Lezhës. Ministri Xhafaj teksa ka qëndruar në Lezhë ka folur në lidhje me kapjen e të “fortëve” dhe sekuestrimin e pasurive kriminale.
Sipas ministrit të Brendshëm ,objektivi kryesor i policisë është sekuestrimi i të gjithë pasurive të cilat kanë si burim kryesor aktivitetin e paligjshëm dhe korruptiv.
Ministri i Brendshëm shprehet i shqetësuar në lidhje me keqpërdorimin e sipërfaqeve të tokës, ndërsa e cilëson se kjo do të rihetohet në bashkëpunim mes Policisë dhe Prokurorisë së Lezhës. Shqetësim tjetër për Xhafajn, është edhe ndërtimi pa leje në qytetin e Lezhës.
“Duhet të luftojmë grupet kriminale dhe ne do të sekuestrojmë pasuritë e tyre, kurse ndaj krimit mjedisor duhet të jemi më të ndjeshëm. Problem tjetër në Lezhë mbetet përdorimi i sipërfaqeve të pronave. Kjo është në të mirë të organizimit të territorit, ndaj duhet të marrim masa të menjëhershme”-tha ai.
