Në kohën kur opozita e bashkuar e jo vetëm janë ende në protestë, kryeministri ka zbardhur ndryshimin e fashës së orarit për çfarë pritet të ndodhë nga nesër. Në njoftimin e shpërndarë në Facebook, Rama bën me dije se në bazë të vendimit të Ministrisë së Shëndetësisë, nga nesër Fieri kthehet në zonë të gjelbër. Po kështu, do të hiqet krejtësisht fasha orare e lëvizjes në zonat e gjelbërta, pasi nuk paraqesin asnjë rrezikshmëri.
Referuar zonave me rrezikshmëri të lartë, kreu i qeverisë informon se fasha orare e lëvizjes në zonat e kuqe do të zgjatet deri në orën 21:00 nga 17:30 që është aktualisht.
Lidhur edhe me problematikën që kanë hasur shumë studio televizive për numrin e të ftuarve, ku nuk kanë munguar edhe gjobat, në fuqi hyjnë rregulla të reja.
Statusi
? Nga nesër për javën në vazhdim, në bazë të vendimit të Ministrisë së Shëndetësisë:
? FIERI KTHEHET NË ZONË E GJELBËR
? HIQET KREJTËSISHT FASHA ORARE E LËVIZJES NË ZONAT E GJELBËRTA
? FASHA ORARE E LËVIZJES NË ZONAT E KUQE ZGJATET DERI NË ORËN 21.00
? HIQEN NË TË GJITHË VENDIN AUTORIZIMET PËR LËVIZJEN E KËMBËSORËVE APO AUTOMJETEVE GJATË JAVËS – FUNDJAVA DO TË JETË PËRSËRI PA MAKINA?
VAZHDON TË JETË E NDALUAR HYRJE – DALJA E AUTOMJETEVENË ZONAT E KUQE⛔️
? QEVERIA DO TË NDRYSHOJË NESËR AKTIN NORMATIV PËR HEQJEN E NDALESËS SË STUDIOVE TV PËR TË FTUAR JO MË SHUMË SE NJË PERSON. DO TË MBETET VETËM KUSHTI QË TË FTUARIT TË VENDOSEN NË DISTANCË 2m NGA NJËRI – TJETRI?
Miq, me heqjen e të gjitha autorizimeve të lëvizjes, ekspozimi ndaj infeksionit rritet shumë dhe barra e çdo individi për të ruajtur veten e të tjerët gjithashtu!
Ju lutem bëni më të mirën tuaj si deri tani dhe kujdes në mënyrën më të veçantë më të moshuarit e të sëmurët në familjet tuaja, të cilët duhet të vetëkufizojnë daljet maksimalisht?
*Masa 14 ditore për të vetëkarantinuarit nuk ndryshon dhe shkelja e saj ndëshkohet nga ligji dhe Kodi Penal
