Gjyqtarja Enkeleda Kapedani pozonte në Tik-Tok, e ndërsa videot po bëjnë xhiron e rrjetit. Kryegjyqtarja e Elbasanit e cila është vënë në hetim disiplinor për shkelje të etikës, ka patur lidhjen me pasarelat që në moshën 18-vjeçaren.
Një foto që gjyqtarja ka hedhur në Tik-Tok, profil të cilin e fshiu më pas, rikujton kohën kur merrte pjesë në Miss Shqipëria të vitin 2003.
”Sa herë kam ndjekur nga ekrani konkursin e bukurisë, kam luftuar me veten të shkoj apo të mos shkoj dhe unë vitin tjetër. Dhe ja ku jam tani në Miss Shqipëria, për të shkelur pasarelat që ngrihen mbi kalanë e Lëkursit dhe për të hedhur një hap drejt të ardhmes sime”, shkruan Kapedani në kartolinën e konkurrimit në Miss Shqipëria.
Pas videove të publikuara në rrjetin social “Tik-Tok” nga kryetarja në detyrë e Gjykatës së Elbasanit, Enkeleda Kapedani, të zhvilluara brenda ambienteve të institucionit, ka reaguar ministrja e Drejtësisë, Etilda Gjonaj.
Ministrja thotë se ato pamje janë të pakomentueshme, ndërsa thekson se që prej vitit 2019 i ka kërkuar KLGJ verifikimin dhe marrjen e masave pas lirimit të një të dënuari.
Kryetarja e Gjykatës së Elbasanit, Enkeleda Kapedani ka shkelur nene të tëra të Kodit të Etikës së gjyqtarëve me videot e publikuara në rrjetet sociale. Pika ‘Ç’ i Kodit të Etikës tregon qartë të gjithë pikat e ‘parimeve të sjelljes së hijshme dhe me vetëpërmbajtje’.
