Një 24-vjeçar shqiptar nga Shkodra i cili ushtronte sportin e arteve marciale ka humbur jetën ditën e shtune. Petros Skafias ka pësuar një atak në zemër ndërsa lajmi u bë i ditur vetëm pak minuta më parë nga trajneri i tij, Kostas Harmagedonit.
“Ne jemi të shokuar dhe thellësisht të pikëlluar nga lajmi sepse Peter ishte një atlet mjaft i mirë. Ne e donim shumë stilin e tij të luftimit. Personalisht unë dua të shpreh ngushëllimet e mia më të sinqerta për të afërmit dhe miqtë e Petros.
Ai ishte një njeri i mrekullueshëm i cili u largua larg nesh.” Skafias ka krijuar një plagë të thellë jo vetëm tek familjarët dhe miqtë e tij, por në të gjithë sportin shqiptar dhe atë grek. Ylli shqiptar jetonte dhe ushtronte sportin e MMA në Greqi, ndërsa pak muaj më parë festoi fitoren me flamurin kuqezi.
