Duke nisur nga dita e hënë, Turqia do të lehtësojë masat kufizuese të vendosura që nga muaji mars, për shkak të situatës së koronavirusit.
Presidenti Erdogan ka bërë me dije se do të rihapen kafenetë, restorantet, parqet dhe vendet e tjera publike.
“Do të hiqen kufizimet e hyrjes dhe daljes për 15 provinca dhe qytete, duke përfshirë kryeqytetin Ankara dhe qendrën financiare Stambollin. Palestrat, pishinat, kopshtet dhe muzetë do të mirëpresin përsëri vizitorët”, tha ai.
Pavarësisht këtyre lehtësimeve, baret e shishave dhe klubet e natës do të qëndrojnë të mbyllura. Erdogan sqaroi se të moshuarit dhe të rinjtë nën moshën 18 vjeç do të vijojnë të qëndrojnë nën shtetrrethim.
