Kryetar i Shoqatës Kombëtare të Transportit Qytetas, Rixhin Qosja thotë se shërbimi i transportit urban do të ndërpritet sërish ditën e hënë.
Në një prononcim për grupin mediatik “Fjala”, Qosja tha se asnjë autobus nuk do të lëvizë në kryeqytet nëse Bashkia nuk plotëson kërkesat e transportit urban.
Vendimi në fjalë pritet që të komunikohet edhe në një deklaratë publike nga Unioni i Transportit Publik.
Arsyeja e kësaj rimbylljeje është humbja e madhe që kompanitë e transportit publik kanë pësuar gjatë periudhës së pandemisë. Për shkak të masave të vendosura nga shteti autobusët kanë lëvizur me vetëm 30% të kapacitetit të tyre.
