Numri i azilkërkuesve shqiptarë në Francë ra me gati 34% këtë janar, krahasuar me janarin e vitit 2017. Kështu është shprehur ministri e Brendshëm francez Gérard Collomb. Gjatë takimit me zëvendës ministren e Brendshme shqiptare Romina Kuko, Collomb tha se “trend vazhdon të bjerë” lidhur me numrin e azilkërkuesve, krahasuar me vitin 2017. Ministri gjithashtu priti katër zyrtarë shqiptarë të cilët do të punojnë me autoritetet franceze për të “lehtësuar shkatërrimin e rrjeteve të kontrabandistëve dhe luftën kundër shqiptarëve e krimit të organizuar “, raporton lefigaro.fr.
Shqipëria ishte vendi i parë i origjinës së azilkërkuesve në Francë me 7,630 aplikime në vitin 2017. I konsideruar si vend “me origjinë të sigurt”, ishte në vendin e parë për numrin e lartë të azilkërkueseve në Francë, duke lënë pas edhe Afganistani. Sipas shifrave nga Ministria e Brendshme, Franca ka regjistruar mesatarisht rreth 470 aplikime nga shtetas shqiptarë në muaj shtatorit 2017 dhe janar 2018, kundrejt 730 mes marsit dhe gushtit 2017.
Në sfondin e shpërthimit të aplikimit për azilit nga shqiptarët në Francë, në korrik të vitit 2017 u zbatua një plan veprimi për të luftuar emigracionin e parregullt. Pastaj Ministri francez i Punëve të Brendshme erdhi në Tiranë më 15 dhjetor 2017 për të nënshkruar një marrëveshje me homologun e tij shqiptar Fatmir Xhafaj, kundër emigracionit të paligjshëm.
Në takimin e radhës me zëvendësministren Romina Kuko, ministri francez theksoi “nevojën” për të zgjeruar “fushën e bashkëpunimit në luftën kundër grupeve kriminale dhe krimit të organizuar të kryer në Francë nga kriminelët shqiptare”. Sipas shifrave të paraqitura nga Gerard Collomb, 4,761 shtetas shqiptarë u arrestuan në Francë në 2017 kundrejt 2,551 në vitin 2011. TIRANA TODAY
