E shtunë, 23 Janar, 2021
10 C
Tirana

Nga dëgjuesi i qiellit tek centralistet: Profesionet që sot nuk ekzistojnë më

Debati mbi makineritë që u vjedhin njerëzve vendet e punës, është po aq i vjetër sa Revolucioni Industrial, dhe historia na ka mësuar se investimi për zhdukjen e disa punëve, mund të jetë në fund shumë fitimprurës:nëse një punë e caktuar mund të automatizohet, njeriu mund dhe duhet të evoluojë në profesionalizmin e tij. Sot ka shumë profesione, që për shkak të zhvillimit ekonomik dhe teknologjik, janë zhdukur. Ja disa prej tyre:

Lexuesi i librave dhe gazetave në fabrikë

Në fabrikat ku kryhej punë me orë të gjata, u fut si profesion lexuesi i librave dhe gazetave. I hipur mbi një foltore, dhe duke lexuar zë të lartë, ai kishte për detyrë të mbante lart moralin dhe vëmendjen e punëtorëve në proceset e vështira, por edhe të mërzitshme që kryheshin çdo ditë. Ky profesion lindi në fillim në fabrikat e cigareve në Kubë, dhe në vitin 1865 u eksportua në Shtetet e Bashkuara.

Dëgjuesit e qiellit

Gjatë Luftës së Parë Botërore nuk kishte radarë, por në qiell kishin nisur të qarkullonin avionët e parë. Ushtritë përdornin “dëgjuesit e qiellit”, që kishin si detyrë të kuptonin në kohë ardhjen e flotës armike. Një dëgjues me përvojë, ishte në gjendje të njihte modelin, distancën dhe lartësinë e avionit.

Zgjuesit e njerëzve në mëngjes

Si zgjoheshin njerëzit për të shkuar në punë, para se të shpikeshin alarmet e orës? Në Britaninë e Madhe, para Revolucionit Industrial, dhe deri në fillimin e viteve 1950, një person paguhej enkas që të trokiste në mëngjes në derën apo dritaren e atyre që paguanin për shërbimin  tij. Ai përdorte në punën e tij një shkop të gjatë bambuje. Goditjet në erë apo dritare nuk ndaleshin, derisa personi të dilte dhe tundte kokën, për të treguar se e kishte dëgjuar alarmin dhe po zgjohej.

Centralistet

Që nga kohët më të hershme të telefonisë fikse, dhe deri në vitet 1960, profesioni i centralistes ishte shumë i përhapur, dhe kryhej kryesisht nga gratë. Centralistja e vinte telefonuesin në komunikim me marrësin e telefonatës. Gratë preferoheshin më shumë në këtë punë pasi ishin më të durueshme dhe të sjellshme sesa burrat. Por mbi të gjitha pasi paguheshin 50 deri në 25 për qind më pak sesa burrat.

Shitësi i akullit

Para përhapjes masive të frigoriferëve, në shekullin XIX-të dhe fillimin e shekullit XX-të, shitësit e akullit ishin shumë popullorë. Ajo ishte një punë me shumë fitim, pasi lënda e parë merrej nga akullnajat dhe liqenet. Problemi i vetëm ishte parandalimi i shkrirjes së akullit gjatë rrugës për në qytet ose fshat. Për këtë arsye përdoreshin kontejnerë izolues prej zinku.

Shitësi i qumështit

Edhe ky profesion u zhduk me shpikjen e frigoriferit. Ai shkonte derë më derë dhe shpërndante çdo ditë qumësht të freskët familjeve, që në mungesë të frigoriferit nuk mund ta ruanin atë për shumë gjatë.

Mblesi ose ndërmjetësi

Që në kohërat e lashta, disa njerëz janë marrë me rregullimin e takimeve mes burrave dhe  grave, kryesisht për qëllime martese. Ky profesion u zgjerua me shpejtësi, ndërsa më vonë ndërmjetësi u bë më i famshëm për angazhimin në biznese të ndryshme si dhënia me qira apo shitja e pasurive të patundshme.

Burimi i lajmit: https://it.businessinsider.com/dallascoltatore-dei-cieli-alla-sveglia-umana-i-10-mestieri-piu-curiosi-che-non-esistono-piu/

Përshtatur nga TIRANA TODAY

- Reklama -

Më shumë nga kategoria




Të fundit

E trishtë/ Ndërron jetë në moshën 35-vjeçare ish-sulmuesi

Ish-sulmuesi xhamajkan, Luton Shelton ka ndërruar jetë në moshën 35-vjeçare, për shkak të një sëmundje. Shelton ishte diagnostikuar në vitin 2018 me sëmundjen “ALS”, e...

Berlini përgatitet për konsultime me administratën Biden

Lehtësimi i jashtëzakonshëm u shpreh në Gjermani që kur Joe Bideni i fitoi zgjedhjet presidenciale. Kurse të mërkurën (20.01.), kancelarja Angela Merkel i shkroi...

Samsung u ngrit si një dyqan që shiste perime, dhe kuriozitete që nuk i dinit

Sistemi ligjor i Japonisë ka një normë dënimi prej 99 për qind. Peshkimi mbetet profesioni i dytë më i rrezikshëm i Shteteve të Bashkuara, pas...

Analisti: Basha do ketë Tiranën, ja kush do jetë drejtuesi i PD në Gjirokastër

Partia Demokratike ka emëruar drejtuesit politik në pjesën më të madhe të qarqeve, ndërkohë që janë ende për t’u zbuluar se cilët do të...

A do jetë sërish kandidat për deputet? Ja si përgjigjet Ervin Salianji

Ervin Salianji është shprehur se ekziston mundësia që ai të jetë kandidat për deputet në listën e Partisë Demokratike. I ftuar në “Zonë e lirë”,...