Neymar ka folur për situatën që kaloi në klasiken e luajtur të dielën në “Velodrome”, përballë Marseille, ku u ndëshkua edhe me karton të kuq. Ylli i PSG e quan një ndeshje me shumë probleme dhe atë natë vetëm futboll nuk u luajt në atë sfidë. Kishte shumë gjëra që ndikuan edhe në rezultat, ku kryesorja ishte edhe sjellja e tifozëve që na goditën me çfarë të mundnin. Po ashtu edhe kushtet e fushës nuk ishin në standardin e duhur dhe ne nuk ishim mësuar të luanim në ato kushte. Marsielle bëri gjithçka që të arrinte në atë barazim dhe ia doli, por nuk jam aspak i kënaqur nga ato episode që ndodhën atje.
“Ishte e ekzagjeruar. Më kanë goditur me gjithçka. Hodhën në fushë lëng portokalli, shkopinj, Coca-Cola. Gjithçka. Ky nuk është futboll. Unë nuk jam i ftohtë. Kam gjak dhe bëj gabime në fushë dhe nuk më pëlqeu ndërhyrja që bënë ndaj meje. Ndeshja? Marseja luajti shumë mirë, por ne nuk ishim në nivelin tonë. Mund të kishim luajtur shumë herë më mirë. Bari ishte shumë i gjatë dhe i thatë. Nuk ishim mësuar të luanim në këto kushte të vështira. Rivalët bënë gjithçka kundër nesh dhe ia dolën të na merrnin një barazim”– u shpreh Neymar.
https://www.youtube.com/watch?time_continue=20&v=GVWm32EYjdM&ab_channel=FootballReviewsHD
