Gjatë merkatos së verës shumë shpesh emri i Neymar është i lidhur me Real Madrid, ku besohet se do të jetë një rekord i ri në shumën e parave të shpenzuara për transferimin e një lojtari, që deri tani është vetë braziliani që e mbanë. Mediat franceze pas disa kërkimesh zbulojnë se ylli brazilian ka një klauzolë në kontratë me PSG-në dhe kjo e bën të pamundur kalimin në Madrid.
Le10sport.com ka hedhur dritë mbi atë që kanë raportuar mediat spanjolle, të cilat theksonin se Nyemar duhet të largohet pas një viti nga PSG, por kjo nuk është aspak e vërtetë. Pavarësisht interesave të Real Madrid, Neymar të paktën edhe për një vit do të vijojë të qëndrojë tek PSG-ja. Një zgjedhje e tillë është në favor jo vetëm të brazilianit, por edhe të familjes së tij.
Ndërsa për këtë çështje ka dalë me një deklaratë edhe klubi madrilen, i cili gjithashtu hedh poshtë çdo hipotezë të mediave për këtë transferim.
“Përballë raporteve të vazhdueshme që lidhin Neymarin e PSG-së me klubin tonë, Real Madrid dëshiron të sqarojë se klubi nuk ka ndërmend të bëjë ndonjë ofertë për lojtarin. Të dy klubet gëzojnë një marrëdhënie të shkëlqyer dhe, si të tilla, nëse Real Madridi do të merrte parasysh sigurimin e shërbimeve të një lojtari të PSG, ne do të shkonim në radhë të parë tek klubi”-thuhet në deklaratën e Real Madridit.
