Neymar: Mbase PSG nuk ishte zgjedhja e duhur, do “sakrifikoj” Cavanin

Ylli brazilian Neymar është duke kaluar një moment jo të mirë në Paris, pas debateve që ka në fushë me lojtarët. Më në fund ai ka pranuar se nuk do të kishte ardhur tek PSG nëse do të ishte në dijeni që të gjithë lojtarët donin të shënonin. Cavani është problemi kryesorë për ish-lojtarin e Barcelonës, pasi flitet që tensioni në dhomat e zhveshjes është shumë i lartë, por edhe për faktin që ai nuk pranoi 1 milionë euro për të hequr dorë nga penalltitë.

Neymar ka folur për refuzimin e shokëve të ekipit për ti pasuar topin final dhe që të shënojë ai dhe kjo ka bërë që ai të mendojë seriozisht nëse PSG ishte zgjedhja e duhur për të vazhduar karrierën. Nuk do të kisha ardhur kurrë nëse do ta dija që këtu duan të shënojnë të gjithë.

“Jam shumë i bezdisur dhe për të qenë i sinqertë më shqetëson kjo gjë. Kur erdha këtu më janë dhënë disa garanci. Nuk pyeta në veçanti nëse vetëm unë mund të shënoja, por e mora për të mirëqenë,” shprehet ylli brazilian, duke shtuar se ai ka supozuar se Mbappe dhe Cavani do t’ia pasonin topin sa herë që ishin pranë portës.

“Çdo shok ekipi i denjë do ta bënte. Jam blerja më e shtrenjtë dhe ata e dinë shumë mirë se sa shumë e dua Ballon d’Or. Kjo ishte arsyeja pse u largova nga Barcelona pasi shumë lojtarët të tjerë shënonin – Messi dhe Suarez nuk reshtin së shënuari. Pse do të vija këtu nëse do të hasja të njëjtën situatë?” Në fund O’Ney është shprehur se nëse kjo gjë nuk zgjidhet sa më shpejt, atëherë do të jetë i detyruar të kërkojë “sakrifikimin’ e Cavanit.