Partia Demokratike do të mbajë nesër një protestë kombëtare. Protesta pritet të nisë në orën 16:00 dhe nuk dihet se sa do të zgjasë. Pedagogë e studentë pritet t’i bashkohen protestës së opozitës. Të rinjtë kanë nisur thirrjet në rrjetet sociale, si metoda më e mirë për shpërndarjen e lajmit. Ata u kanë bërë thirrje miqve dhe jo vetëm, për t’iu bashkuar protestës të thirrur nga opozita.
Studentët për rreth dy muaj i kanë kërkuar qeverisë një mbështetje ekonomike me 100 euro, për të përballuar kostot e larta të jetesës dhe çmimet e rritura. Ata organizuan dhe një peticion me rreth 5000 firma të dorëzuara në Kryeministri, por përgjigjia ishte negative. Kjo mesa duket i ka shtyre studentët që të bashkohen me protestën e opozitës kundër qeverisë.
