Biznesmeni Ervin Mata, i përfshirë në ngjarjen në Ish-Bllok në tetor të 2018, pritet të njihet nesër me masën e sigurisë. Ish i fejuari i këngëtares Elvana Gjata, u vetëdorëzua mbrëmjen e së premtes në policinë e Tiranës, pas disa muajsh në kërkim.
Ai ka dëshmuar se nuk ka lidhje me vrasjen e Fabiol Gaxhës, plagosjen e Ervis Martinajt dhe Elion Hatos. Duke mohuar se ka shtënë me armë, Mata theksoi se është larguar i frikësuar, duke pretenduar se e kanë sulmuar.
Sa i takon shkaqeve që çuan në vrasjen e Gaxhës, ai nuk përmend ngacmimin e ish-të fejuarës së tij, këngëtares Elvana Gjata. Ndërsa për pistën e larjes së hasapeve për pazare droge, ai u shpreh se nuk ka konflikte me asnjë.
