Kufiri mes Shqipërisë dhe Greqisë do të mbyllet nesër për 24 orë.
Mbyllja e kufirit vjen për shkak të grevës së doganierëve grekë, të cilët kërkojnë përmirësime të kushteve të punës nga ana e qeverisë greke.
Federata e Doganave të Greqisë sqaron në një njoftim se greva 24-orëshe do të zgjasë deri të premten më 20 tetor.
Doganierët grekë kërkojnë rritje të pagave dhe shpërblime të punonjësve, mbrojtje ligjore të tyre, stafi i shërbimit doganor të pajiset me mjete moderne kontrolli dhe përmirësim të kushteve në vendin e punës.
