Zëvendës ministri i Brendshëm, Julian Hodaj, ka paralajmëruar mbrëmjen e sotme aksione të tjera kundër krimit të organizuar nga struktura e re e policisë “Operacioni Forca e Ligjit” apo OFL.
Hodaj tha në emisionin “Open” në Top Channel se kjo strukturë po përgatitej prej kohësh, por u vonua ngaqë ra tërmeti.
Zv-ministri i Brendshëm foli për fillimin e aksionit të parë të ‘anti- KÇK’, duke thënë se sot është bërë një aksion ku një familjeje i janë sekuestruar një resort dhe disa pallate.
Ndërsa kur u pyet nga moderatorja Eni Vasili se: “Raportohet në media se ka një listë të zezë me 250 subjekte?”
Hodaj ka thënë: Po ka një listë që ka ekzistuar prej kohësh, por nuk ka rëndësi se sa është numri në këtë listë. A janë 50, 100 apo 250 nuk ka rëndësi. Nesër do të ketë një tjetër aksion”.
