Këngëtarja Eneda Tarifa e ka me dije se është ndarë nga bashkëshorti, por kjo nuk do të thotë se ajo i ka mbyllur dyert meshkujve që duan të hedhin një hap më tej me të. Mbrëmjen e djeshme, teksa ka qenë e ftuar në “Shiko kush luan”, u pyet nëse e sheh në planet e së ardhmes një martesë të dytë.
“Unë mendoj se dasma duhet të vijë si fryt i një dashurie të madhe, dhe mendoj se nëse vjen, pse jo… Nuk jam e mbyllur ndaj një martese të dytë, por nuk e kërkoj. Nuk jam duke e kërkuar fare. Absolutisht! Jam shumë mirë kështu.”
Eneda dhe Erjon Zaloshnja i dhanë fund martesës së tyre në janar të 2018-ës, dhe kanë bashkë një vajzë, Arian.
