Gjykata e Hagës, sot, ka ngritur një aktakuzë me dhjetë pika për shqyrtim, në të cilën Presidenti i Kosovës, Hashim Thaçi, Kryetari i Partisë Demokratike të Kosovës, Kadri Veseli dhe të tjerë, akuzohen për një sërë krimesh kundër njerëzimit dhe krimesh lufte ndër të cilat, vrasje e paligjshme, zhdukje e detyruar e personave, përndjekje dhe tortura.
Në aktakuzë pretendohet se Hashim Thaçi, Kadri Veseli dhe të dyshuar të tjerë janë penalisht përgjegjës për afërsisht 100 vrasje të paligjshme. Krimet e paraqitura në aktakuzë përfshijnë qindra viktima të identifikuara shqiptarë, serbë dhe romë të Kosovës dhe kundërshtarë politikë.
Por, a do e japë Thaçi dorëheqjen nëse thirret nga Gjykata?
Kujtojmë se përgjatë një interviste të realizuar në muajin Prill, Presidenti i Kosovës, theksoi se nuk do e japë dorëheqjen në rast se ftohet për intervistim nga Gjykata e Hagës.
“Unë evlia nuk jam me e ditë nëse kam me u intervistu. Nëse më vjen ftesa unë i përgjigjem pozitivisht edhe unë. As ndërmend se kom, pse me dhanë dorëheqje? Do t’i përgjigjem pozitivisht, dorëheqje nuk jap”, është shprehur ai.
