Nga: Mentor Kikia
Për çfarë po flisnit ju, për hapjen e negociatave këtë pranverë?
Po ti, çfarë the, që ne kemi marrë kryesinë e OSBE-së?
Po ti, sikur zure në gojë gjë “Minishengenin” dhe rolin udhëheqës të Shqipërisë në rajon?
Aha, ti tjetri po thua se jemi anëtar i denjë i NATO-s
Ndërsa ai aty, me duket sikur po përpiqet të tregojë se në një fushë atje në Fier është një incenerator mbetjesh. Në fakt nuk është fare, por shteti i paguan rimbursim nja 5 a 8 milion Euro çdo vit “njërit”.
Epo mirë, para se të mendoni se jemi bërë evropianë të denjë, po ju kërkoj të shikoni këtë video. Eshtë bërë dje, në Vilë Bashtovë, Rrogozhinë. Shkumbini ka shkarkuar në det, vetëm në muajin dhjetor, tonelata mbetje.
I kanë hedhur njerëzit nëpër përrenj e lumenj. Ca sepse, në shumicën e vendit nuk ka fare kosha per mbetjet, ca sepse i hedhin vetë Bashkitë në lumë, e ca sepse nuk kanë fare edukatë.
Ky është një plazh që vjet mbi 150 vullnetarë punuan dhe e pastruan, ku erdhën edhe ata turistët e huaj që na degjeneruan, sepse dolën lakuriq.
