Ambasada amerikanë në Tiranë ka dhënë një tjetër porosi të rëndësishme për të gjithë ata që duan të aplikojnë për lotarinë amerikane.
Mesa duket, aplikimi ka qenë i pamundur për disa persona, të cilëve u është shfaqur një mesazh gabimi. Në një postim në faqen zyrtare, ambasada porosit që këta persona duhet të provojnë sërish më vonë, ndërsa shton se po punohet për rregullimin e këtij problemi.
“Departamenti i Shtetit është në dijeni që disa aplikantëve u shfaqet një mesazh gabimi kur përpiqen të kryejnë aplikimin për t’u regjistruar për Programin e Lotarisë DV-2020 ose për të kontrolluar statusin e tyre. Zyrtarët aktualisht po punojnë për të rregulluar këtë çështje. Nëse hasni një problem gjatë procesit të aplikimit për Lotarinë, lutemi provojeni më vonë. #pyetanen”, shkruan ambasada e SHBA në “Facebook”.
