Kreu i grupit parlamentar të PS, Taulant Balla, është prononcuar për mediat pas nënshkrimit të koalicionit me 23 partitë aleate. Balla u shpreh se koalicioni i majtë do të fitojë të gjitha bashkitë ne vend. Po kështu ai nënvizoi se zgjedhjet e 30 qershorit, nuk mund ti ndalë asnjë.
“Koalicioni i majtë do të fitojë të gjitha bashkitë. Kjo aleancë është gjysma e partive që marrin pjesë në zgjedhje, dhe jam i sigurt që në zgjedhje do të ketë koalicione të tjera. Një parti që s’ mjerr pjesë në zgjedhje, nuk mund të quhet parti politike. Zgjedhjet e 30 qershorit do të zhvillohen, dhe nuk mund t’i ndalojë asgjë.
Ka qenë shumë i qartë qendrimi i SHBA-së dhe BE-së, që nxitin të gjitha partitë të marrin pjesë në zgjedhje”, tha Balla.
Balla ka thënë se nuk mund të parashikojë nëse do të ketë një marrëveshje si ajo e 17 majit, por ka thënë se në çdo rast s’do ketë pakt në kurriz të Kushtetutës së vendit.
Do pranoni në tryezë nëse ajo të ftohet nga Presidenti?
Ajo që ne kemi thënë, zgjedhjet e 30 qershorit do zhvillohen. Mandati i Parlamentit është legjitim, ka qenë shumë i qartë qëndrimi i SHBA-ve nëpërmjet Mathew Palmer dhe përfaqësuesit e BE-së, të cilët nxitën partitë politike që të marrin pjesë në zgjedhje.
Zgjedhjet do zhvillohen në 30 qershor dhe zgjedhjet janë të gjithë pranuara.
S’ka asnjë forcë politike që të tentojë të pengojë zhvillimin e zgjedhjeve të lira dhe demokratike.
Do ketë një 17 maj tjetër?
Unë nuk jam Nostradamus. Por di të them që afatet ligjore janë kushtetuese për këdo. Nuk ka negociata me askënd në kurriz të Kushtetutës. Bënë gabimin e paimagjinueshëm që dorëzuan mandatet, tani Lulzimi dhe Monika duan t’u heqin shqiptarëve të drejtën për të votuar për 61 bashkitë dhe parlamentet vendore. Ata që pengojnë rrugët dhe ndalojnë zgjedhësit të votojnë, ata që do prekin qendrat e votimit apo kutitë, dënimet shkojnë nga 5-8 vite burg.
