Një betejë e re ligjore e emërtuar “Nënat e Srebrenicës” ka si objekt padinë e familjeve të viktimave të masakrës ndaj shtetit të Holandës. Çështja do të shqyrtohet në Gjykatën e të Drejtave të Njeriut në Strasburg.
“Nënat e Srebrenicës”, organizata e familjarëve të viktimave, kërkon që qeveria holandeze të mbajë përgjegjësi për vdekjen e 350 myslimanëve boshnjakë.
“Organizata Nënat e Srebrenicës sot kanë dorëzuar një rast kundër shtetit holandez në Gjykatën Evropiane për të Drejtat e Njeriut”, thanë avokatët Marco Gerritsen dhe Simon van der Sluijs. Sipas organizatës, Holanda nuk mori masa të mjaftueshme për të mbrojtur popullsinë në kohën e konfliktit të përgjakshëm.
Masakra e Sbrenicës ndodhi në vitin 1995 dhe humbën jetën mbi 8000 djem dhe burra myslimanë. Ata u vranë nga forcat serbe nën drejtimin e gjeneralit famëkeq Ratko Mladic. Kjo ishte vrasja më e madhe masive në Evropë që nga Lufta e Dytë Botërore.
Sipas kërkesës së ngritur nga organizata, një pjesë e madhe e viktimave edhe pse ishin të strehuar në zonën e sigurt humbën jetën, pasi trupat holandeze nuk morën masat e duhura.
Nga ana tjetër, Gjykata Supreme e Holandës ka vlerësuar në një gjyq të më hershëm se paqeruajtësit holandezë kanë vepruar brenda ligjit.
