Në konferencën e përbashkët për mediat Juncker-Rama, është folur ne lidhje përmbushjen dhe rekomandimin e çeljes së negociatave mes Shqipërisë dhe Bashkimit Evropian.
Në fjalën e tij, Rama tha se Shqipëria ka përmbushur shumë detyrime, ndërsa theksoi se ka nisur puna në reformën në drejtësi. Sipas Ramës, janë 17 prokurorë dhe gjyqtarë të cilët janë tërhequr nga procesi i vettingut, kjo sipas tij, është një tregues i mirëfilltë që kjo nismë ligjore po jep rezultat.
Gjithashtu Rama tha se Shqipëria është në rrugën e mbarë të përmbushjes së reformave të fqinjësisë së mirë dhe përmbushjes së reformave në drejtësi dhe administratë. Në fund Rama theksoi se Shqipëria meriton hapjen e negociatave, ndërsa shtoi se vendet anëtare duhet të hapin dritën jeshile, pasi Shqipëria ka ecur përpara në përmbushjen e reformave të paracaktuara.
Ndërkohë Rama nënvizoi se Bashkimi Evropian nuk është një rrugë gjetkë, por është një element që ne duhet të gjithë së bashku ta ndërtojmë Shqipërinë evropiane këtu në vendin tonë.
Fjala e Ramës
Kjo vizitë është zotimi i një përmbushje të kahershme, pasi po mbahet në një kohë të rëndësime. Ne u takuam në dhjetor ne Bruksel dhe sot pata mundësinë dhe privilegjin ta informoj nga afër presidentin, ecurinë e reformave dhe sigurisht vendosmërinë e Shqipërisë për të vijuar në një proces intensiv, përmes punës intensive nga ne dhe për nxitjen e bashkëpunimin dhe garantimin e fqinjësisë së mirë në të gjithë rajonin.
Komisioni ka rekomanduar që në nëntor të 2016, çeljen e negociatave duke theksuar çuarjen përpara të reformës në drejtësi dhe zbatimin e Vettingut. Në momentin e daljes së këtij rekomandimi, ne nuk kishim kaluar ligjin, që takimin e kemi kaluar. E informova Presidentin sot që flasim se 17 prokurorë dhe gjykatës që janë tërhequr nga vettingu, që faktikisht nuk do të jenë pjesë e sistemit gjyqësor. Kjo tregon se kjo ka filluar të funksionoj drejt reforma. Ky është një kapitull i drejtësisë së re dhe të pavarur.
Presim në javët në vazhdim, çeljen e hapave konkrete nga komisioni i vettingut. Ka hyrë në proces Forca e Ligjit, reforma e derregullimit që lehtëson barrën e burokracive dhe luftën kondërkorrupsionit. Marrëdhëniet e Drejtësisë më qytetarët, përmes ndryshimit të prokurorit të përgjithshëm, që prej kohësh dosjet flinin në prokurori.
Këto janë të domosdoshme që na e kërkon Evropa dhe është domosdoshmëri për brezin tonën. Integrimi në BE, nuk është një udhëtim për të shkuar gjetkë, por për të ndërtuar Shqipërinë evropiane këtu. Besoj se e meritojmë rekomandimin e çeljes, dhe shpresoj që vendet anëtare ta japin dritën jeshile.
