Ish- kryeministri grek, Aleksis Tsipras, ka folur për raportet e marrëdhënieve me Turqinë dhe zbatimin e embargos së armëve.
Në fjalimin e tij në mbledhjen e Partisë Socialiste Evropiane, Tsipras tha dështimi për të hapur negociatat e pranimit me Maqedoninë Veriore, dëmton shumë besueshmërinë dhe fuqinë e BE-së dhe forcon forcat nacionaliste dhe destabilizimin e Ballkanit.
Sipas tij, Maqedonisë së Veriut dhe Shqipërisë duhet t’i jepet drita jeshile, sa i përket hapjes së negociatave.
Ndërkohë, kryeministri Edi Rama u shpreh më herët gjatë ditës së sotme se gjatë takimit me kryeministrat evropianë, u diskutua një vendimmarrje pozitive në Këshillin Evropian, për çështjen e negociatave.
