Kryeministri Edi Rama u shpreh se negociata me vendin tonë nuk hapen pasi e kundërshton Holanda, jo për shkak të ndonjë përgjegjësie nga Shqipëria.
I ftuar në ”PolitikOn” nga Alfred Lela në ‘RTV Ora”, Rama tha se proces mund të zgjasë shumë.
Edi Rama: Gjermania ushqen flakën e zgjerimi, janë dy vende që formalisht negociatat janë hapur dhe duhet miratuar korniza dhe duhet bërë konferenca. Deri mbrëmë është luftuar për kornizën negociatore. Nuk ka konsensus mes vendeve. Nuk janë 10 vende. Por s’merret dot vendimi po të mos jenë të gjithë dakord. Historia e procesit nuk është fare por kur them fare, e lidhur me çfarë bëjmë ne për sa kohë një vend ka axhendën e tyre elektorale. Holanda ka zgjedhje në mars. Holanda nuk na ka penguar sivjet. Procesi është që mbasi hapen negociatat formalist dhe diskutohen kornizat. Gjatë gjithë kohësh do të jetë kështu.
Lela: Merkel tha se nuk premton këtë vit por shumë shpejt.
Edi Rama: Nuk është ashtu pra tani. E do ashtu, e marrim ashtu. Janë tekste që nuk janë reflektim besnik i fjalëve të thëna. Nuk e premton Merkel se nuk varet nga Gjermani. Holanda nuk e do këtë punë, unë them se nuk ka zgjedhje.
Lela: Sërish? Se kjo nuk është hera e parë.
Edi Rama: Po edhe Bullgaria ka zgjedhje për shembull. Nuk ka Holanda inat me ne, se nuk ka përse ta ketë. Nëse Shqipëria i ka bërë detyrat nuk e përcaktojmë dot. Ia kam thënë në sy të gjithëve. Nëse i kemi bërë kushtet, e përcakton delegacioni i Komisionit Europian. Bën raport bazuar me kritere teknike. Nuk e dinë në Holandë, as në Berlin se nuk rrinë që të merren me ne. Kur shtojnë ujë dhe miell është mungesë vullneti për të çuar para procesin. Kanë narrativën e brendshme. Më ka ardhur reporteri holandez për të pyetur se çfarë ndodh dhe e zgjidhen për një ditë, ndërsa Komisioni punon për ditë. Dhe më tha: Si do ta përputhi Shqipëria ligjin e Sheriatit me bllokun e BE? Unë i thashë që nuk e kemi pasur kurrë, e ma ktheni; Po ju jeni vend mysliman? Ky proces do të zgjasë shumë, do ta shihni me të tjerët pas meje.
