Kryeministri Edi Rama, duket se ende nuk e ka ”kapërdirë” moshapjen e negociatave me Bashkimin Europian, pasi Bullgaria vendosi veton ndaj Maqedonisë së Veriut, duke penalizuar kështu edhe vendin tonë.
Gjatë fjalës së tij në Samitin e Berlinit, Rama falenderoi kanelaren gjermane Angela Merkel, pasi me proceset e mbajtura prej saj, po arrin të mbajë gjallë shpresën e vendeve të Ballkanit Perëndimor te e ardhmja, diçka që sipas tij BE po e shuan.
Ndër të tjera, Rama u shpreh se ashpër për faktin se BE flet për të shuajtur nacionalizmat e Ballkanit, teksa në fakt po shfaq nacionalizmat e tyre që po vështirësojnë procesin e integrimit për Shqipërinë dhe vendeve të Ballkanit Perëndimor.
Edi Rama: “Pikësëpari do të doja të të falenderoja shumë sinqerisht për nisjen dhe mbështetjen gjatë tërë kësaj kohe të këtij procesi, e për angazhimin tuaj të fortë e të palëkundur për rajonin tonë.E di që nuk të pëlqejnë lëvdatat, por faktikisht mendoj që procesi që nisët ka qenë vërtetë shumë i rëndësishëm për të mbajtur gjallë atë që, meqë ra fjala, BE-ja po e shuan, flakën e shpresës tek e ardhmja.Thënë këto, mendoj se është shumë e rëndësishme që ne të kemi më shumë autorësi në proces, aq sa është e rëndësishme po kështu që procesi të kombinohet me përpjekjet e shtuara të Komisionit, mbështetur në planin e ri ekonomik dhe të investimeve.
Është e trishtë dhe të gjithë e dinë që ndërkohë procesi i integrimit europian të të gjithë rajonit në BE, që dikur shihej dhe tregohej si rruga e duhur për të nënshtruar nacionalizmat ballkanikë, është shndërruar tanimë në një proces që shtypet nga nacionalizmat e BE-së. Ja që, herë aty e herë këtu, nacionalizmat në BE po e ndërlikojnë shumë rrugëtimin tonë europian e po luajnë shumë rolin e kundërt me të. Megjithatë, siç thoshte edhe legjendari Donald Trump, “Është kjo që është”, kësisoj na duhet të ecim përpara me atë çka kemi”.
