Presidenti i Republikës, Ilir Meta, tha sonte se marrëveshja e detit e nënshkruar me Greqinë në 2009 nuk ekziston më. I ftuar në emisionin ‘Real Story’ të Sokol Ballës Meta është shprehur se ajo tashmë i përket së kaluarës dhe nuk ndien më asnjë emocion.
‘Marrëveshja e detit e 2009 nuk ekziston më. Nuk kam asnjë emocion për të,’ deklaroi Meta
Gjithashtu, Meta pwr marrëveshjen e re që pritet të negociohet dhe të nënshkruhet në të ardhmen theksoi se ‘të gjithë po e ndjekin këtë proces me shumë kujdes’. Më tej Presidenti shtoi se nuk ndikohet nga ato që thuhen në Greqi.
Presidenti se marrëveshja e re duhet të jetë e drejtë dhe të mbyllë njëherë e mirë këtë çështje mes dy vendeve.
Ndërsa në lidhje me zërat se ka një krizë institucionale mes Presidencës dhe qeverisë, Meta i mohoi këto fjalë.
‘Nuk shikoj asnjë problem mes Presidentit dhe qeverisë. Kemi qenë në një proces bashkëpunimi të vazhdueshëm’, tha Presidenti Ilir Meta.
